Delikako Jaiak hiru egunez luzatuko dira

Jendetza batu ohi da Delikan.

Delikak uztailaren 1etik 3ra bitartean ospatuko ditu bere jaiak musika, gastronomia eta karta jokoen txapelketekin.

Bi urte igaro eta gero ospakizunik gabe, Delikan asteburu bizia izango dute, jaiak antolatu baitituzte berriro. Ostiralean hiru ekintzekin abiatuko dira, apurka-apurka giroa berotzeko. 21:00etan txupinazoa izango da, 21:30ean patata tortilla txapelketa -antolatzaileek adierazi dute eginda eraman behar direla- eta 22:30ean Biziklo taldearen kontzertua helduko da.

Larunbatean eguerdian hasiko da jaia, baina luzatuko denez, autobusak aterako dira Amurrioko elizako errotondatik, Urduñako suhiltzaileetan gelditzeko eta ibilbidea Delikan bertan amaitzeko. 23:00etan, 23:30ean eta 00:00etan beteko du ibilbide hori garraio publikoak eta kontrako noranzkoan, aldiz, 06:30ean, 07:00 eta 07:30ean.

Bazkariarekin hasiko da egun horretako egitaraua:

14:00 // Herri bazkaria

17:00 // Mus Txapelketa

18:30 // Briska Txapelketa

19:00 // Bigantxak

23:00 // Lehian erromeria, DJ Varro & STRK

07:00 // Txokolate jana

Larunbatean berandu bukatuko badute ere, igandean berehala jaiei berriz heltzeko asmoa dute delikarrek:

10:00 // Umeen jolasak

11:30 // Eukaristia plazan

12:30 // Pintxo pote AEFAT elkartearen alde

18:00 // Herri kirolak

20:00 // Roberto Urrutia y sus mariachis

20:30 // Erreki jana eta jaien amaiera

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide