Orotariko ekintzak egon dira asteburuan zehar Delikan. Izan ere, Sanpedro festak antolatu ditu Jai Batzordeak eta, ohi gisa, bertako eta inguruetako herritar ugari bertaratu dira asteburuan zehar.
Ostiralean ekin zioten egitarauari, txupinazo, patata tortila lehiaketa eta Biziklo taldearen kontzertuarekin. Larunbata izan zen, hala ere, egun nagusia. Batetik, herri bazkaria burutu zuten, eta bestetik, "bigantxen askapena". Sekulako jendetza erakarri zuen azken jarduera horrek, gainera.
Horrez gain, mus eta briska txapelketak ere egon ziren, ahalik eta Lehian erromeriak eta DJ Varro & Strk musika-jartzaileak gauarekin bukatu arte. Etxeratu aurretik, baina, txokolate jana izan dute 07:00etan gaupaseroek.
Gaur, berriz, umeak izan dira protagonista. Eguerdian, AEFATen aldeko pintxopotea egon da, eta arratsaldean herri kirolek zein mariatxiek girotuko dute Delika, erreki janarekin jaien uzta bukatutzat eman arte.
Argazkiak: Delikako Jaiak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide