Loza & Andomagu raperoak, Altxa Porru erromeria eta Karri Fest Tertangako jaietan

Aimar Gutierrez Bidarte 2022ko uztailaren 6a

Asteleheneera arte luzatuko dira jaiak Tertangan. / Aiaraldea.eus

Asteburuan ospatuko dituzte Tertangako jaiak, pandemiak eragindako etenaren ostean. Ostiralean musika eskaintza izango da nagusi; rap abeslari, erromeria eta musika jartzaileen eskutik.

Ostiraletik astelehenera, lau eguneko egitaraua prestatu dute Tertangako auzokideek herriko jaiak ospatzeko.

Uztailaren 8an jaurtiko dute txupinazoa, iluntzeko 22:00etan. Horrekin batera pilotalekuko jai-eremua irekiko dute, jaiei eta gau horretako musika emanaldiari hasiera emateko.

Loza eta Andomagu rap abeslariak igoko dira oholotzara, eta, ostean, Altxa Porru erromeriak emango dio segida. Jai-giroa goizaldera arte luzatzearen ardura, ordea, Karri Fest musika jartzaileak izango du.
Baina, jaiak ez dira ostiralera mugatuko soilik. Uztailaren 9an herri bazkaria eta dantzaldia egingo dute Iñaki Otegiren eskutik.

Igandean trikiti doinuek herria alaituko dute etxez etxe egingo duten kalejiran, eta elizako atarian tarta zozkatuko dute.

Astelehenean agurtuko dituzte festak, meza eta mokaduarekin. 18:00etan, gainera, herrikoentzako bola jaurtiketa egingo dute Elexalde bola elkartearen eskutik.

Kultura Amurrio Tertanga

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide