Zauritu gabeko sute eta eztanda txikia egon dira bart Tubos Reunidosen

Izar Mendiguren Cosgaya 2022ko uztailaren 20a
Deskargatu Info Ahotsak :

Tubos Reunidos fabrikan piztu da sutea gaur gauean. / Aiaraldea.eus

Ezbeharra kono baten eztandak eragin du, baina ez da zauriturik egon. Suhiltzaileek argitu dutenez, gaueko hamabiak aldera izan dute sutearen berri, atzeko zelai eta pinudi zati bat erre dira.

Sutea jazo da gauerdian Amurrioko Tubos Reunidos lantegian. Lekukoek Aiaraldea Komunikabideari adierazi diotenez, "altzairutegiko kono baten eztandak zati beroak 100 metro mugiarazi ditu", eta horrek eragin du sua hedatzea.

Hala ere, zauriturik ez dela egon azpimarratu dute. Egoera bideratzera Larrialdi Zerbitzuak eta suhiltzaileak bertaratu dira, eta kontrolpean dago esparrua jada. Dena den, eztandak zarata handia egin du, eta Amurrio osoan entzun da zartada, herritarren hitzetan.

Suhiltzaileek Aiaraldea Komunikabideari azaldu dietenez, "lantegiaren atzeko zelai eta pinudira zabaldu da sua", eta hiru ordu behar izan dituzte itzaltzeko. 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide