Abuztuaren 7an ospatu zuten Larrinben San Mames jaia. Ez da hori izan, ordea, azken egunetako ospakizun bakarra. Izan ere, uztailaren amaieran Santiago Eguna girotu zuten herrian, makina bat ekintzarekin.
San Mames eguna abuztuaren 7an ospatu zuten, baina uztailaren 25ean ere egitarau oparoa prestatu zuten Santiago festa medio
San Mames eguna baliatuta, baina, egun osoko egitaraua prestatu zuen Altarraketa Kultur Elkarteak. 11:00etan eman zioten hasiera festari, txupinaren jaurtiketarekin, eta jarraian egin zuten meza. Ondoren, erretiratuen bazkaria gauzatu zuten, eta karta-jokoan aritu ziren gero. Hain zuzen, briska txapelketa izan zen arratsaldeko ekintza nagusia, umeentzako jolasekin batera. Egunari amaiera emateko, parrillada eta dantzaldia antolatu zituzten, Otegiren doinupean.
Argazkiak: Altarraketa Kultur Elkartea
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide