Maskuribain gertatutako matxurak eten du gas naturalaren horniketa inguruko industria poligonoetan

Aitor Aspuru Saez 2022ko abuztuaren 30a

Maskuribaiko industria poligonoa. / Sprilur

Maskuribai industria poligonoan ur horniketa bideratzeko lanetan ari zirela, gas naturalaren hodi orokor bat kaltetu dute eta zerbitzua bertan behera geratu da eremu horretan eta Saratxoko poligonoan.

Amurrioko Udaltzaingoak berretsi dio Aiaraldea Komunikabideari gaur, istripuz, gas naturalaren horniketa eten dela Maskuribai eta Saratxoko industria poligonoetan.

Antza, ur sare berria eraikitzeko obretan apurtu dute gas naturalaren banaketarako tutua. Nortegas konpainiak azaldu dio poliziari oraindik ez dakitela zenbat iraungo duen matxurak. Izan ere, argitu behar dute odia soldatzearekin nahikoa den edo azpiegituraren zati bat aldatu beharko duten.

Nortegas enpresak ziurtatu dio Amurrioko Udaltzaingoari gas zerbitzua ez dela etengo herrigunean.

Halaber, gas enpresak azpimarratu du, printzipioz, zerbitzuaren etenaldiak ez duela eraginik izango herrigunean. Horretarako baliatzen ari dira Aiaran berriki instalatutako gas biltegia.

Modu horretan, Nortegasek aurre egin die sare sozialetan zabaldu diren mezuei, zeintzuek ziurtatzen zuten Amurrio eta Laudio gas zerbitzurik gabe geratuko zirela 12 orduz, matxuraren ondorioz.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide