Su Ta Gar taldearen Jo Ta Ke abestiaren bertsioa plazaratu du Kateak Ate talde amurrioarrak, ahotsa, kitarra eta bibolina uztartuta. Bideoklipa ere plazaratu du bikote akustikoak. Tubacexen Saratxoko lantegiaren sarreran grabatu dute ikus-entzunezkoa, eta Aiaraldean azken bi urteetan egondako hainbat gatazka eta borroken irudiak ere baliatu dituzte.
Modu horretan, "omenaldia" egin nahi izan diote eskualdean azken hilabeteetan bizitakoari. "Garai ilunak dira datozenak, kapitalismoaren oldarraldi neoliberalak ez du etenik. Agerikoa da langileria inoiz baino gehiago jopuntuan gaudela gaur", nabarmendu dute, "prekarietatea, langabezia, bizitza duin bat izateko ezintasuna, pobreziaren gorakada eta gutxi batzuen aberastea. Ez dago antolatzea eta borrokatzea ez den beste biderik".
Kontzertuak eta diskoa
Abestia plazaratzearekin batera, Kateak Ateko kideek iragarri dute kontzertuak ematen hasiko direla berriro, hainbat hilabeteetako etenaldiaren ostean. Era berean, disko bat prestatzen ari direla ere aurreratu dute, baina oraindik ez dute zehaztuta noiz eta nola plazaratuko duten.
Jone Urruela eta Josu Arrietak osatzen dute Kateak Ate taldea. Abesti ezagunen bertsio akustikoak jotzen dituzte, eta hainbat oholtzatan aritu dira azken bi urteetan: