Prest dago Mendiko Lagunak taldea36. aldiz eskualdeko mendilerro ezagunetik zeharkaldia antolatzeko. Aurtengo Gorobel mendi ibilaldia azaroaren 6an izango da eta, ohi gisa, hiru zirkuitu prestatuko dituzte.
Izen-ematea urriaren 11n zabaldu zuten, eta hilabeteko epea egongo da parte hartzeko. Interesdunek Mendiko Lagunaken webgunera jo behar dute horretarako, eta bertan dagoen fitxa bete. Hala, oroigarritzat banatuko duten kamisetaren neurria ere zehaztu beharko dute, beste zenbait daturekin batera.
Hiru zirkuitu
Ohiturari jarraituz, ibilaldi txikia (11.5 km), ertaina (22.5 km) eta handia (49 km) aurkeztu dituzte. Bira laburrak Lendoñogoiti, Goiko Landeta eta Mendeika lotuko ditu; ertainak Goiko landeta, Bedarbide eta Tologorri; eta luzeak Gabika, Untzaga, Arando, Txarlazo edota Tologorri. Funtsean, Gorobel mendilerroan barrena ibiliko dira partaide guztiak, norbere erritmo eta neurrian bada ere.
Bestalde, #gorobel22 traola baliatuta, argazki eta bideo labur txapelketa errepikatzeko asmoa iragarri du elkarteak. Ekimen horren inguruko xehetasunak Facebooken, Instagramen edota webgunean zabalduko dituzte aurrerago.
Aiaraldea Komunikabideak, babesleetako bat izanik, probaren jarraipen berezia egingo du eskura dituen komunikazio euskarrietan.
