ZOZKETA

Gorobel mendi ibilaldian parte hartzeko bi inskripzio zozkatuko ditu Aiaraldea Komunikabideak

Erredakzioa 2022ko urriaren 20a
Deskargatu Info Ahotsak :

Aurreko edizio bateko irudia.

Mendiko Lagunak taldeak ehunka mendizale batuko ditu azaroaren 6an bere ibilaldiaren XXXVI. edizioan eta Aiaraldea Komunikabideak bi izen emate zozkatuko ditu urriaren 28an.

Azaroaren 6an egingo dute Gorobel Mendi Ibilaldiko XXXVI. edizioa. Hiru aukera egongo dira horretarako, ibilbide txikia (11.5 km), ertaina (22.5 km) eta handia (49 km) aurkeztu dituzte. Bira laburrak Lendoñogoiti, Goiko Landeta eta Mendeika lotuko ditu; ertainak Goiko landeta, Bedarbide eta Tologorri; eta luzeak Gabika, Untzaga, Arando, Txarlazo edota Tologorri. Funtsean, Gorobel mendilerroan barrena ibiliko dira partaide guztiak, norbere erritmo eta neurrian bada ere. 

Edizio berri honetan, Mendiko Lagunakek 1.000 parte-hartzailetan jarri dute muga eta Aiaraldea Komunikabideak bi inskripzio zozkatuko ditu urriaren 28an.

Zozketan izena emateko hemen klikatu beharra dago.

Ingurumena Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide