Amurrio Txirrindulari Elkarteak amaiera eman dio aurtengo denboraldiari

Erredakzioa 2022ko urriaren 28a
Deskargatu Info Ahotsak :

Amurrio Txirrindulari Elkarteak amaitutzat jo du aurtengo denboraldia iragan igandean antolatutako jaiarekin. Egindako lana eta erdietsitako lorpenak ospatzeko tartea hartu zuten kirolariek.

Urriaren 23an antolatu zuen Amurrioko txirrindulari elkarteak denboraldi amaiera jaia. 11:30ean hasi zuten festa bizikleta martxa herrikoiarekin, talde argazki eta guzti. Indarrak berreskuratzeko bazkari herrikoia egin zuten gero, Okeluri jatetxean.

Babesle eta laguntzaileei eskerrak emateaz gain, aipamen berezia egin zieten bost txirrindulariri, "datorren denboraldian urrats bat aurrera emango dutenak". Lierni Aldaiturriaga, Peru Bernaola, Jurgi Saez, Ugaitz Hernandez eta Josu Sanchez dira aipatutako kirolariak. 

Argazkiak: Amurrio Txirrindulari Elkartea

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide