Negoziazio mahai batean esertzea eskatu dio Amurrioko PSE-EEk Udal Gobernuari, 2023ko aurrekontuak adosteko

Txabi Alvarado Bañares 2022ko aza. 8a, 15:00
David Romero PSE-EEko zinegotzia, artxibo irudi batean. / Aiaraldea.eus

Udalerria “interes alderdikoi eta pertsonalisten” gainetik kokatzeko beharra jarri du mahai gainean David Romero zinegotziak.

Amurrioko 2023ko aurrekontuak eurekin adostea eskatu diote PSE-EEko kideek Udal Gobernuari. David Romeroren ustez, modu horretan lortu ahalko litzateke herriak behar duen “egonkortasun politiko eta ekonomikoa”.

Zinegotzi sozialistaren aburuz,  udalerria “interes alderdikoi eta pertsonalisten” gainetik kokatu behar da eta, horretarako, beharrezkoa da “batera arraun egitea”. 

Ildo horretan, PSE-EEeko ordezkariak uste du datorren urteko aurrekontuak “funtsezkoak” izango direla, “Putinek Ukrainan abiatutako gerrak sortutako erronkei” aurre egiteko. 

Gauzak hala, negoziazio mahai batean esertzea eskatu dio Alderdi Sozialistak EAJko gobernuari. Zerbitzu publikoak bermatzea eta Amurrioko “sektore sozial eta ekonomiko guztiak” babestea izango litzateke sozialisten helburu nagusia balizko negoziaketa horretan, oharrean azaldu dutenez. “Auzokide askok, Enpresa Txiki eta Ertainek, autonomoek eta besteen konturako langileek, baita gure inguruko enpresek ere, inoiz baino gehiago behar dute udal-erakundeen ahalegina, euren beharrizanei erantzuteko”. 

Politika Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide