Etxebizitza babestua eraikitzeko 800.000 euroko inbertsioa eskatuko du Orain Amurriok 2023ko aurrekontuetan

Aitor Aspuru Saez 2022ko azaroaren 14a
Deskargatu Info Ahotsak :

Kepa Gonzalez Orain Amurrioko ordezkaria. / O. A.

Talde politikoak aldarrikatu du Hiri Antolamendurako Plan Orokor berrian aurreikusi dela etxebizitza publikoko parkea bultzatzea eta bere kalkuluen arabera, 800.000 euro dira beharrezkoak horretarako.

Orain Amurriok helburu argia jarri du 2023ko aurrekontuetan gauzatzeko. Hain zuzen, prentsa oharra zabaldu dute jakinarazteko udal gobernu taldearen proposamena bere osotasunean aztertu behar badute ere, euren xedea izango dela hurrengo urteko aurrekontuek jasotzea 800.000 euroko inbertsioa etxebizitza publikoa eraikitzeko.

Zehazki, taldeak honakoa adierazi du: "Parke publiko horrek 200 etxebizitza izan ditzake alokairu sozialeko erregimenean prozesu osoa bukatzean".  Orain Amurrioren ustez, horrekin badago aukera konpontzeko udalerrian dagoen arazoa etxebizitza duina lortzeko.

Alderdiak argudiatu du neurri hori Hiri Antolamendurako Plan Orokorrean adostu zutela ordezkaritza duten talde guztiek eta, gainera, alkateak berak iragarri du bere lehentasunen artean dagoela bere hauteskunde programan.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide