Orain Amurriok 2022ko aurrekontuetarako bi gurpil-aulki elektriko erosteko proposamena egin zuen, zerbitzuak “laguntza handia” emango diolakoan “udalerrian oso ohikoa den egoera bati”. Udal taldearen hitzetan, gurpil-aulki elektrikoek hainbat abantaila dituzte: “Autonomia eta independentzia ematen dute, bai etxebizitzaren barruan, baita kanpoan ere; gizarte-harremanak bultzatzen dituzte; ahaleginik gabeko mugikortasuna eskaintzen dute (eskuzko gurpil-aulkia bultzatu behar duten pertsonen esfortzuak ere saihesten ditu), eta distantzia handiak egin ditzakete”.
Amurrioko Udalak bi aulki erosi ditu, tolesgarriak biak, eta horietako batek laguntzaileentzako aginte bat du. Orain Amurriok adierazitakoaren arabera, erabilerrazak dira, erraz mantentzen dira eta lurzoruaren irregulartasun txikiak edo jaitsierak eta igoerak saihesteko diseinatuta daude.
Gaurtik aurrera aldi baterako lapena eskatu dezake Herritarrentzako Laguntza Zerbitzuan horren beharra duen edonork, eta Amurrioko Udaleko Gizarte Zerbitzuen Arloak kudeatuko du zerbitzua.