Amurrio Antzokia bete da gaur arratsaldean. Ehunka lagun bertaratu dira Amaurre Eskolak prestatutako obra ikustera. Lehoi erregea musikala taularatu dute ikasleek. Disneyren animaziozko filma klasikoa erabili dute oinarri moduan, pelikula horretako hainbat fotograma proiektatuta. Abestiak, aldiz, ikasleek eurek abestu eta dantzatu dituzte, bertaratutakoen barre eta txalo zaparraden artean.
Lehen Hezkuntzako ikasleak arduratu dira, batez ere, aktore lanak egiteaz. Ehunka ikasle aritu dira taula gainean, eta txandaka egin dituzte protagonista nagusien paperak. Bigarren Hezkuntzako ikasleak, aldiz, boletoak saltzen aritu dira Antzokiko sarreran, dirua eskuratzeko Erromara egin nahi duten ikasbidairako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.