Etxegoien kaleko trafiko ugariari erantzuna emateko egindako lanek, autobusen igarotze arazoa konpondu duten arren, ez dute aparkatzeko arazoa konpondu, egindako aparkelekua beteta egoten baita inguruko ikastetxeen sarrera-irteera orduetan.
Autoaren erabilera arduratsua egin behar dugula jakinda ere, asko gara kale eta aparkaleku berria erabiltzeko benetako beharra daukagunok:
Aresketa Ikastolako ikasleen ama, aita edo senitartekook, lanera joan edo lanetik bueltatzeko denboraz justo gabiltzalako (familia eta lanaren kontziliaziorako ezinbestekoa), seme-alaba txikiak ditugulako, gure seme-alabak eskolaz kanpoko ekintzetara eraman behar ditugulako, udalerritik kanpo bizi garelako edo hainbat arrazoi pertsonal ditugulako, gure seme-alabak autoz eraman edota jaso behar ditugunok.
Zaraobe BHIko ikasleen ama, aita edo senitartekook, goian aipatutako arrazoiengatik gure seme-alabak autoz eraman eta jaso behar ditugunok.
Tantaka Haurreskolako ikasleen ama, aita edo senitartekook goian aipatutako arrazoiengatik gure seme-alabak autoz eraman edota jaso behar ditugunok. Kontuan izanda, gainera, kasu honetan egoera zailagoa dela haurreskolako arabiltzaileak adinez oso txikiak direlako eta haientzako aulkien erabilera eta hauen karga eta deskarga autoetan ezinbestekoa dela.
Zaraobe BHIko ikasleak, institutoaren hezkuntza eskaintza profesionalak adinez nagusi diren eta autoz desplazatzen diren ikasleak bere gain hartzen dituelako.
Aipatutako ikastetxeetako langileak.
Auzokideak.
Aurretik adierazitakoarengatik, eskatzen dugu:
*Kale honetako arazoari konponbidea eman nahi zion plana berrikustea:
- Aparkatzeko espazio gehiago bilatzea.
- Arazo gehien dituzten ordu tarteetarako karga eta deskarga eremuak egokitzea, ikasleak utzi edo jaso ahal izateko.
*Aparkaleku berriaren bukaeratik ikastolara doan espaloiraino oinezkoentzako pasabide bat egokitzea, atzera bueltatu behar ez izateko.
*Udalerriko ikastetxeetan udaltzaingoaren prezentziaren beharraz hausnartzea.