Amurrioko PSE-EEk aurkeztu du 2023ko udal hauteskundeetarako bere hautagaia: Laura Fernandez Fernandez izango da sozialisten alkategaia. Amurrion jaio ez bazen ere, duela 20 urte bizi da hautagaia herrian. "Eremu pertsonalean, ekonomikoan zein sozialean gure bizilagunentzat aukera berriak sustatuko dituen lidergotza politiko berri baten alde egingo dut apustu", azpimarratu du hautagaiak.
Lehenbizikoa izango da zerrendan Laura Fernandez Fernandez, baina David Romero Campos -egungo zinegotzia- ere izango du bidelagun. Hain zuzen, bigarrena izango da PSE-EEren hautes-zerrendan.
"Eremu pertsonalean, ekonomikoan zein sozialean gure bizilagunentzat aukera berriak sustatuko dituen lidergotza politiko berri baten alde egingo dut apustu"
Laura Fernandez Fernandezek ilusioz eta indartsu hartu du erronka: "Politika publikoak sustatzen jarraitu nahi dut azken urteetan alderdi sozialistak egin duen bezala, aurrekontuen bitartez, eta oposizio eraikitzaile batetik".
Erronken harira, Amurrio Arabaren mapan kokatzeko nahia nabarmendu du; "erreferentea izan dadin berriro". Ildo beretik, David Romerok lege-agintaldi honetan egindako lana goraipatu eta eskertu du.
Laura Fernandez Fernandez osasun langilea da, Erradioterapia eta Medikuntza irudian lizentziaduna, eta kardiologiaren esparruetan aditua. Besteak beste, Ekokardiografia masterra dauka. Egun, Gasteizko Txagorritxu ospitaleko Erradiologia Zerbitzuko koordinatzailea da. Bestalde, bi libururen egilea ere bada: osasun alorreko Manual de iniciación en cocardiografía eta Fichas protocolo de ecografía cardiaca para técnicos de radiodiagnóstico lanak plazaratu ditu.