Zea Maysek Burubio Kultur Gunean probatu zuen bere zuzenekoa, bira hasi baino lehen

Aitor Aspuru Saez 2023ko ots. 13a, 12:32
Deskargatu Info Ahotsak :

Zea Maysen kontzertua Burubion otsailaren 2an./ @erreharria

Larunbatean hasi zuen Bilboko taldeak bira Biarritzen Adore Kemena Kuraia diskoa aurkezteko, baina otsailaren 2an zuzenekoa eskaini zuen Amurrioko Burubio Kultur Gunean, publiko egin ez zen kontzertuan.

13 kontzertuko bira abiatu zuen Zea Mays talde bilbotarrak larunbatean Biarritzen, Adore Kemena Kuraia aurkeztu eta sustatzeko. Emanaldi sorta asteburuan ofizialki hasi zen eta Euskal Herriko zein beste herrialdetako hiritan dauzka geltokiak (Boiro, Berlin, Bartzelona, Madril...), baina biraren jatorrietako bat Amurrio izan da.

Hain zuzen, Zea Maysek kontzertua eskaini zuen otsailaren 2an Burubio Kultur Gunean. Zuzeneko emanaldia ez zen publikoki zabaldu, baina lokala gainezka egon zen. Izan ere, lehenik eta behin, proiektuaren bazkideen artean jakinarazi zuten deialdia eta bazkideek eurek erosi zituzten sarrera guztiak.

Gauzak horrela, otsailaren 2an giro intimoan probatu zituen taldeak errepertorioa zein atrezzoa, argiak... Ikusleak oso pozik atera ziren, baina sekretuan mantendu zuten kontzertuan egon izana eta Zea Maysek berak aipamen gutxi egin ditu publikoki.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide