Ekitaldia egin zuen atzo eguerdian EH Bilduk Amurrioko alkategaia izango den Jon Berganza jendaurrean aurkezteko. Udalerriarentzako proiektu bat duela aldarrikatu zuen koalizio abertzaleak, baita hura gauzatzeko "ilusioa eta lan-talde sendoa" ere.
Gaur egungo udal-gobernua "betiko lozorroan" dagoela nabarmendu du Berganzak, baita udal-zerbitzuen lañitateak okerrera egin duela azpimarratu ere. Trantsizio energetikoa, etxebizitza edota herritarren parte-hartzea bultzatzea dira, besteak beste, Berganzaren hitzetan Amurriok dituen erronka nagusietako batzuk: “Gaur egun ia ezer ekoizten ez duen udalerri batean energia berriztagarria sortzen aurrera egin behar dugu; gainera, energia demokratizatu behar dugu. Ezin gara geldirik geratu etxebizitzaren arazoen aurrean, eta, horregatik, legegintzaldi honetan eraikiko ditugu lehenengo etxebizitza sozialak. Eta guztion artean erabaki beharko dugu kiroldegirako zer kudeaketa-eredu nahi dugun, edo udaltzaingoaren eredu hurbilago bat nahi dugun".
Eva Lopez de Arroyabe Arabako Ahaldun nagusigaiak ere hitza hartu du aurkezpen ekitaldian, Madres Mercedarias egoitzako, Talleres Abasolo eta Autoglas-Glavista enpresako langileei elkartasuna adieraziz: “Eskualde honek zerbait frogatu badu, etorkizuna ere badagoela izan da eta borrokak fruituak ematen dituela. Abandonantzen den borroka da galtzen den hori eta pertsonen eta lanpostuen duintasuna jokoan dagoenean, horiek defendatzea merezi du". Hartara, EH Bilduren konpromisoa berretsi du "jendearen beharrei erantzuteko".
Argazkiak: EH Bildu Araba