ERREPORTAJEA

Kakarro, Amurrio eta Baranbioko pertsonaia zirikatzailea

Izar Mendiguren Cosgaya 2023ko ots. 21a, 07:05
Deskargatu Info Ahotsak :

Amurrioko Gazte Asanbladak Kakarro pertsonaia berreskuratu du aurtengo Inauterietan. / A. G.A

Nor zen Kakarro Birigarro? Zergatik da ospetsua Amurrioko Inauterietan? Pertsonaiaren istorioa eta ohituraren berreskurapena kontatu dizkigu Kontxesi Elejaldek.

Baranbion eta Amurrion du jatorria Kakarrok. Hala azaldu du Kontxesi Elejaldek, azken urteetako jai teknikariak. Bihar erreko dute Amurrioko plazan, baina nolakoa da, edo zergatik izan da ospetsu Baranbion eta Amurrion?

Baranbion, kakarroek kalejira egiten zuten 1955. urtera arte, "Inauterietako astearteetan"

Udalak infografia osatu du Kakarro nor zen kontatzeko. "Orozko eta Arabako hego mendebaldeko hainbat herrietako (Bergüenda, Espejo) Inauterietan ere ateratzen zen", azaldu du Elejaldek. Mozorro sinplea du: aurpegia zapi zuriz estalia, buruan lastozko kapela, eta zaku oihalez estalitako arropa zaharra. Arropa baino, eskuko puxika edo txerri maskuri puztua du ezaugarri, "haurrei sustoren bat emateko".

Baranbion, kakarroek kalejira egiten zuten 1955. urtera arte, "inauterietako astearteetan". Egun berean erretzen dute azken urteetan Amurrioko Juan Urrutia plazan ere, aratusteei amaiera emateko, "kapa beltza daraman Kakarro Judas erreta". 

Ohitura berreskuratuz

Kontxesi Elejaldek Aiaraldea Komunikabideari erantsi dionez, aurten berrikuntzaz beteta dator ekimena: "Kakarroak berreskuratu ditugu. Larunbat eguerdiko kalejiran, erraldoi eta gaita-joleekin egon ziren Kakarroak jendearen atzetik korrika". Puxikekin eta haurren atzetik korrika ibili dira, beraz, bizi-bizi. Inauterietako tradizioak bizirik dirautenaren adierazle.

 

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide