5.000 euro bildu zituzten San Anton Armuru azokako enkantean, eta Arabako Elikagaien Bankura bideratuko dute

Aimar Gutierrez Bidarte 2023ko otsailaren 23a
Deskargatu Info Ahotsak :

San Antonen Lagunek 5.000 euro emango dizkiote elikagai bankuari. / San Antonen Lagunak

Arabako Elikagaien Bankuari emango dio San Antonen Lagunak elkarteak, iragan urtarrilaren 22ko azokan bildutako diru guztia. Horrez gain, beste mila euro bideratuko dituzte lurrikarak kaltetutako Turkia eta Siriako zonaldeetara.

Iragan urtarrilaren 22an berreskuratu zuten San Anton Armuru azoka. Ehunka herritar bertaratu ziren Amurriora tokiko produktuez eta jai-giroaz gozatzeko. Ohikoan bezala, ekoizleen produktuen elkartasun enkantea eta txerriaren zozketa izan ziren eguneko osagai nagusiak.

Aurtengo edizioan 5.000 euro bildu dituzte eta, San Antonen Lagunak elkartetik adierazi bezala, Arabako Elikagai Bankura bideratuko dute diru hori guztia.

Mila euro Turkia eta Siriara

Elkartasun enkantean bildutako diruaz gain, azokaren antolakuntzaz arduratzen den elkarteak beste mila euro jarri ditu mahai gainean Medicos Sin Fornteras erakundeari emateko. Ekarpen horrekin, Turkia eta Siria kolpatutako lurrikarak kaltetutako herritarrak lagundu nahi dituzte.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide