Amurrioko Udalak lan-poltsa ireki du ingurumen teknikaria eta zerbitzu soziokulturaletako teknikariak aldi baterako kontratatzeko. Lanpostu guztiak lanaldi osokoak dira, aldi baterako kontratupean. Interesdunek Lanbideren eskaintzan eman beharko dute izena eta Amurrioko Udalaran webgunean eskabidea bete. Otsailaren 28ra bitarte egongo da horretarako epea.
Ingurumen teknikaria
Ingurumeneko teknikariaren eginkizunak “ingurumen arloko jarduerak kudeatzea, diseinatzea, planifikatzea eta kontrolatzea, espedienteak izapidetzea, kontratuak kudeatzea, dirulaguntzak, kudeaketa administratiboa eta ekonomikoa” izango dira. Lanbiden eta Amurrioko Udalean dago informazioa eskuragarri. Biologia, Kimika, Geografia eta Ingurumena edo Ingurumena eta Jasangarritasuna lizentzia edo gradua dutenek eman ahalko dute izena, azterketarik egin beharrik gabe.
Zerbitzu soziokulturaletako teknikariak
Bestalde, zerbitzu soziokulturaletako teknikariek “Amurrioko Udaleko Arlo Soziokulturaleko programak, proiektuak, ekintzak eta zerbitzuak kudeatzeko, diseinatzeko eta planifikatzeko eginkizunak” izango dituzte. Lan-poltsa horren baldintzak eta informazio guztia ere Lanbiden eta Amurrioko Udalean daude kontsultagarri. Unibertsitateko lehen zikloko ikasketak eta baliokideak edo lizentzia bateko hiru ikasturte oso edo kreditu baliokideak gainditu dituzten pertsonak aurkeztu daitezke, eta ez dute azterketarik egin beharko.