ARGAZKIAK

Tubos Reunidos eta Pine enpresetako langileek batera salatu dituzte Amurrioko lantegian jazotako azken istripu larriak

Aimar Gutierrez Bidarte 2023ko martxoaren 3a

Bi orduko lanuztea egin dute gaur Amurrioko Tubos Reunidos lantegian, iragan astean gertatutako istripu larriak gaitzesteko. Elkarretaratzea egin dute enpresa atarian eta Pine azpikontratako beharginak bertaratu dira ere.

Tubos Reunidoseko langile batzordeak deituta bi orduko lanuztea egin dute gaur, iragan astean Amurrioko lantegian jazotako lan istripu larria salatzeko.

Otsailaren 20an Pine Instalaciones y Montajes enpresa azpikontratatuarentzat lanean ari ziren bi behargin zauritu egin ziren goi-tentsioko linea batean lanean ari zirela. Beharginetako batek gorputzaren %40 erre zuen ezbeharraren ondorioz.

Gaur eguerdian, azpikontratatutako enpresako langileek Tubos Reunidoseko plantillarekin egin du bat, gertatutakoa gaitzesteko egindako elkarretaratzean.

Argazkiak: Tubos Reunidoseko langileak

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide