Periferiako doinuak erdigunera ekarriko dituzte Amurrioko Gaztetxeko oholtzan

Aimar Gutierrez Bidarte 2023ko mar. 14a, 15:30

Odei Barroso rapero eta bertsolari lapurtarra egongo da Amurrioko Gaztetxean. / Alkimia prod.

Ødei, Ziztada & Rlantz eta Raperu eta Uki igoko dira datorren martxoaren 24an Amurrioko Gaztetxeko oholtzara, 'Periferiak erdigunera' jaialdian.

'Periferiak erdigunera' jaialdia antolatu du Amurrioko Gazte Asanbladak datorren martxoaren 24rako -ostirala-. Euskal Herriko periferiako artista ezagunak elkartuko dituzte Amurrioko Gaztetxeko oholtzan: Ødei, Ziztada & Rlantz eta Raperu eta Uki.

Odei Barroso rapero eta bertsolari lapurtarrak jarriko dio izen propioa jaialdiari. Urte luzez 2zio taldean aritu eta hiru disko kaleratu ostean, bakarkako bideari ekin dio Barrosok. Ødei ezizenarekin ari da orain, eta Terapia lan berria aurkezten egongo da Amurrion, Jo Olascuaga ekoizlearekin batera.

Ziztada & Rlantz bikotea izango dira Aiaraldeko ordezkariak martxoaren 24an. Erlantz Serrano amurrioarrak eta Irune Elgezabal bilbotarrak osatutako bikoteak ibilbide luzea egin dute oholtzaz oholtza. 2021ean kaleratu zuten euren azken lana: KSMS, bost abestiz osatutako EPa.

Azkenik, Raperuk eta Ukik rap doinuak ekarriko dituzte Bilbo ingurutik.

Sarrerak salgai

Honezkero salgai daude jaialdiaz gozatzeko sarrerak. Lau euroren truke eskuratu daitezke hauek Amurrioko Txokogorri eta Biderdi tabernetan.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide