AMURRIOKO PSE-EE

"Bigarren aldiz lortu dugu onartzea gazteen etxebizitza alokairuak diruz laguntzea"

Izar Mendiguren Cosgaya 2023ko martxoaren 31
Deskargatu Info Ahotsak :

David Romero PSE-EEko zinegotzia, agerraldi batean. / Aiaraldea.eus

Amurrioko PSE-EE alderdiak oharra atera du gazteen artean etxebizitza sustatzeko diru-laguntzak bigarrenez onartu dituztela jakinarazteko. Partida 5.000€ handitu da gainera, David Romero zinegotziak azaldu duenez.

Bigarren diru-laguntza deialdia onartu du Amurrioko Udalak, herriko gazteek alokairu soziala izan dezaten. Herriko etxebizitzen politikan sakontze aldera, alokairu erregimena sustatzeko ekimena onartu du osoko bilkurak. David Romero PSE-EEko zinegotziaren hitzetan, funtsezkoa da gazteen autonomia bultzatzea eta baldintza eskuragarrietan erraztea etxebizitzarako sarbidea. Aitortu duenez, bigarrenez lortu dute gazteak diruz laguntzeko partida aurrera eramatea, PSE-EEk eta Orain Amurriok 2022ko aurrekontuan egin zuten proposamenari esker.

Hala, 18-35 urte bitarteko amurrioarrek izango dute ekarpen ekonomikoa jasotzeko aukera. Horretarako, 2022an 30.000 euroko partida egon zen, eta 2023an 35.000 eurokoa izango da, "PSE-EEk aurrekontuen negoziaketan hala eskatu ostean". Diru-laguntza horretarako oinarriak Arabako Lurralde Buletinean argitaratuko dira, helegiteak aurkezteko epea pasata.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide