Santa Vera Cruz Kofradiak laguntza eskatu du "prozesioak salbatzeko", jende faltagatik galtzeko arriskuan daude eta

Izar Mendiguren Cosgaya 2023ko martxoaren 31
Deskargatu Info Ahotsak :

Amurrioko prozesioen irudi bat. / Hauxe Da

Hauxe Da udal aldizkariak zabaldu duenez, kinkan dago Santa Vera Cruz Amurrioko kofradia. Aste Santuko prozesioak ez galtzeko bilera deitu dute.

Larunbatean 18:00etan bilera informatiboa egingo du Santa Vera Cruz Amurrioko kofradiak, Aste Santuko erlijio ospakizunak antolatu ahal izateko. Hauxe Da udal aldizkarian aitortu dutenez, "SOS deia da, apirilaren 2an hasiko baitira Aste Santuko prozesioak Igande Erramuarekin". Zentzu horretan, parte hartzeko deia zabaldu dute.

"Jendea behar dugu prozesioetan ateratzeko, bestela ekitaldi hauen garapena galtzeko arriskua dago", azpimarratu dute. Erantsi dutenez, parte hartzeko ez da beharrezkoa kofradea izatea, "gogoa edukitzea bakarrik. Kofradiak eskaintzen ditu arropa eta prendak (tunikak eta abar)". 

Izena emateko larunbateko bilerara bertaratu behar dute interesdunek, 18:00etan Katekesi aretoan gauzatuko dena.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide