Gasteizko Gizarte Arloko 4. epaitegiak erabaki du garbiketako langile batek hartutako baja luzea -2020ko irailaren 11tik 2022ko martxoaren 4ra bitartean- lanpostuan izandako eztabaidaren ondorioa izan zela. Hau da, behin-behineko ezgaitasuna lan istriputzat jo du epaileak.
CCOO sindikatuak zabaldu duenez, hezkuntza sistemako garbitzaileak eztabaida izan zuen Zabaleko ikastetxeko zuzendariarekin, udal aparejadorearen eta ikasketa buruaren aurrean. Antza, zuzendariak azalpenak eskatu zizkion gela baten garbiketari buruz, kexa bat jaso ondoren.
Talkak "aire faltaren sentsazioa eta hitz egiteko zailtasunak" sortu zizkion langileari, zeinak urte eta erdiko baja hartu zuen gertakariaren ondoren.
CCOOk epaia baliatu du garbiketaren sektoreko langileak animatzeko, salaketak jar ditzaten gehiegizko lan kargengatik eta horrek eragiten duen presioagatik. Sindikatuak, halaber, salatu du kasu askotan behargin horiek azpikontratatuak direla.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
