Agerraldia egin du Amurrioko EAJk gaur arratsaldean Elexondo pasealekuan. Txerra Molinuevo Laña alkategaiak hartu du hitza bertan, eta banan bana aurkeztu ditu maiatzaren 28ko udal hauteskundeetarako prestatu duten zerrendako gainontzeko kideak.
Hauek dira hautagai guztiak:
1. Txerra Molinuevo Laña
2. Estibaliz Sasiain Furundarena
3. Imanol Llano Hernaiz
4. Naiara Barallobre Salcedo
5. Monika Arbaiza Beitia
6. Ixone Saratxaga Ibarretxe
7. Beñat Busquet Ugarte
8. Arantzazu Saratxaga de Isla
9. Julen Sasiain Abin
10. Paula Barceló Balado
11. Eduardo Saratxaga Isasi
12. Arantza Picón Santamaría
13. Alberto Artetxe Vicente
14. Marisa Vitorica Aldama
15. Jokin Bardeci Guzman
16. Edurne Elorza Gómez
17. Juan Luis Perelló Zabala
18. Josune Irabien Marigorta
19. José Luis Tellería Larrea
20. Tere Ramos Pinedo
Molinuevo pozik azaldu da aurkeztutako hautagai zerrendarekin. “Etorkizuneko proiektu batekin konprometitutako talde izugarri batez inguratuta aurkezten naiz. Profil eta adin desberdinetako pertsonekin; gazteenen gogoarekin eta beteranoenen esperientziarekin”, ziurtatu du egungo alkateak.
Datorren legealdirako konpromisoak ere aurreratu ditu zerrendaburuak. Pertsonen zaintzan jarri du bereziki arreta, eta nabarmendu du “herri feminista, jasangarria eta bizia” bultzatuko duena, “gure bizi-proiektua hemen garatzen jarraitu ahal izateko beharrezko aukerak eskainiko dituena”.
Ildo horretan, Molinuevok aldarrikatu du pertsonak egon behar direla udal politiken erdigunean. “Azken urteotan egin dugun bezala, udal hurbila, eraginkorra eta gardena izateko lan egingo dugu, betiere pertsonak ardatz izanik eta partaidetza sustatuz”.
Hauteskunde programari dagokionez, alkategaiak aurreratu du “zerbitzuak eta instalazioak hobetzeko, trantsizio energetikoa bultzatzeko eta politika feministak ezartzen jarraitzeko” asmoa dutela. “Kalean egoten jarraituko dugu, Amurrioko bizilagunei entzuten, guztiok garelako gure herriaren etorkizuna. Amurriok aurrera egiten jarrai dezan gure etorkizunean lan egiteko konpromisoa hartzen dut”.