Apirilaren 21eko goizaldeko lehen orduan gertatu zen erasoa Bañuetako inguruetan. 01:00ak aldera larrialdi zerbitzuak Amurriora bertaratu behar izan ziren auto batek sua hartu zuelako. Suhiltzaileek esku hartu zuten garren zabalpena ekiditeko eta Ertzaintzak ere deiari erantzun zion.
Poliziak berak berretsi dio Aiaraldea Komunikabideari ibilgailuaren jabeak salaketa jarri duela, norbaitek sutea eragin zuelako apropos.
Erasoaren biktimak, bere aldetik, Aiaraldea Komunikabideari jakinarazi dio ez dela lehen aldia norbaitek egiten duela saiakera bere autoa erretzeko. Izan ere, abenduaren 28an beste sute bat piztu zuten autoan, baina auzokide baten deiari esker itzaltzea lortu zuten ibilgailua guztiz txikitu baino lehen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
