Atzo gauean 21 urteko gizonezkoa atxilotu zuen Ertzaintzak Amurrioko Iparralde tren geltokian. Poliziak azaldu duenez, Arrigorriagan saltoki batean lapurtzea leporatzen diote.
Ertzaintzaren bertsioaren arabera, zerbitzutik kanpo zegoen agente bat izan zen delituaren lekuko, lapurrak estolda-tapa batekin dendako erakusleihoa apurtu ostean. Horren ondoren, egileak korrika jo zuen tren geltokirantz.
Agenteak Ertzaintzari deitu eta susmagarriaren deskribapen osoa eman zion eta, bitartean, ertzainak hasi ziren tren geltoki guztietan kokatzen, azalpenekin bat egiten zuen norbaiten bila. Azkenean, Iparraldeko geltokian topatu zuten herritar hori eta gainean zeraman diruaren jatorriari buruzko galdetuta, ez zituzten sinisgarritzat jo bere argudioak.
Hori dela eta, agenteek atxilotu zuten eta egotzi zioten indarra erabiliz lapurreta egitea. Handik Gasteizko Komisaldegira eraman zuten eginbideak hasteko eta gaur Amurrioko Guardia Epaitegiaren esku utzi dute. Atxilotuak aurrekariak ditu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
