Sutea piztu da Jose Madinabeitia kalean 20:00ak aldera, baina herritarrek eurek itzali dute. Hain zuzen, suhiltzaileek Aiaraldea Komunikabideari adierazitakoaren arabera, etxebizitza baten sukaldean piztu da sua, lapiko baten erruz. Kea zabaldu da eta eraikinaren azpian dagoen tabernatik ikusi dute.
Orduan, lekukoek azaldu dutenez, Biderdi tabernako langilea eta zenbait bezero atarira deitzen hasi dira eta ostalaritza establezimenduko su-itzaltzaileekin igo dira gora. Horiek baliatuta esagerrarazi dute sua, eta handik gutxira agertu dira larrialdi zerbitzuak. Kontuan hartu behar da gaur Txakolin Eguna ospatu dela herrian eta, ondorioz, jende ugari zegoela kale eta tabernetan.
Suhiltzaileek berretsi dute sutea itzalita zegoela heldu direnerako, baina prebentzio neurriak hartu dituzte bada ez bada. Bitartean, osasun zerbitzuek etxebizitzan egon diren herritar batzuk behatu dituzte, kea arnastu baitute. Edonola ere, suhiltzaileek argitu dute herritar horiek ondo zeudela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
