Zaraobe Saskibaloi Taldeak lortu du emaitza txarreko bolada apurtzea behingoz. Izan ere, bere taldeak hamar lauko finaletan lehiatu dira eta igandekoa heldu arte, ez dute txapela eskuratu.
Lorpen hori kadete mailako gazteei dagokie eta ez da sufrimendurik gabe erdietsi. Berez, lauko finala Amurrioko Bañueta Kiroldegian jokatu zen asteburuan eta lehenengo norgehiagokan amurrioarrek aise irabazi zioten Corazonistasi.
Gauzak horrela, finala igandean izan zuten Urgatziren kontra. Gasteiztarrek Baskonia kanporatu zuten larunbatean puntu bakarreko abantailari esker eta sendo iritsi ziren.
Hala ere, Zaraobeko jokalariek indartsu hasi zuten partida eta uneren batean 15 puntuko aldea izan zuten. Dena den, kopuru hori murrizten joan zen Urgatzi hirukoen bitartez eta amaiera ezin zirraragarriagoa izan zen.
Amurrioarrek bi puntuko aldea zuten, baina azkenengo jokaldia Urgatziri egokitu zitzaion eta, zorionez tokikoentzat, ez zuten saskian sartu.
Horri esker, Zaraobeko kadeteak Arabako txapeldun berriak dira eta jendez gainezka zeuden harmailekin ospatu zuten garaipena.