Piano taupadak ikuskizunaz gozatzeko aukera egon zen atzo Amurrio Antzokian. Izaskun Del Cerro musikari urduñarrak eskualdeko beste hainbat sortzaile izan zituen bidelagun oholtza gainean: Leire Ugadik egin zituen narratzaile lanak; abesten aritu ziren Irati Mendiguren, Izar Mendiguren, Nerea Zuloaga eta Itzi Azkarate; Ainize Solaunek pianoaren doinuarekin egin zuen dantza; Ramon Diaz Olabarriak teklatuak maneiatu zituen; Iskander Vesga eta Iñaki Riak saxoa jo zuten eta Oier Rebollerok jarri zion erritmoa saioari, bateriarekin.
Bide luzea egin du Piano taupada ikuskizunak azken urteetan. Hainbat oholtzetan plazaratu dute emanaldia. Urte hasieran, adibidez, Faktorian eskaini zuten emanaldia:
Hain zuzen, Amurrio Antzokian izan zen ikuskizunaren lehenbiziko emanaldietako bat, 2019an. Horrez gain, Izaskun Del Cerrok izen bereko diskoa plazaratu zuen handik gutxira, ikuskizunerako sortutako kantuak bilduta:
Hala ere, denbora aurrera egin ahala, konpozisio berriak txertatu ditu urduñako musikariak bere ikuskizunean, inguruan duen kolaboratzaile sarearen laguntzarekin.