Akordioa lortu badute ere, hurrengo asteetan garatuko dute bere edukia. EAJk adierazi duenez, erakundearen egonkortasuna bermatu nahi dute.
EAJk eta PSE-EEk jakinarazi dute elkarrekin kudeatuko dutela Amurrioko Udala. Egungo krisialdiaren egoera anitzak (Ukrainako gerra, pandemiak utzitako osasun egoera, arazo energetikoak...) oinarri hartu dituzte jeltzaleek eta sozialistek erabakia hartzeko eta gogoratu dute azken urteetan elkarlanean aritu direla bi alderdiak udalerrian.
Hori guztia aintzat hartuta, nabarmendu dute tokiko erakundearen egonkortasuna bermatu nahi dutela zenbait proiektuk aurrera egin dezaten. Momentuz, ez dute akordio programatikoa zehaztu eta hurrengo asteetan landuko dute.
Gehiengoa osatuko duen udal gobernu taldearen erronkak izango dira amurrioarren bizi kalitatea hobetzea, udal zerbitzu publikoak defendatzea eta desberdintasunei aurre egitea.
Bi alderdien baturarekin, hamar zinegotzi izango dituzte eta gehiengo absolutua euren esku egongo da. Jeltzaleek zinegotzi kopurua mantenduta eta sozialistek beste bat irabazita, EH Bildu izango da oposizioko talde bakarra.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
