Josune Irabien Marigorta hautatu du Eusko Jaurlaritzak Emakundeko idazkari nagusia izan dadin. Amurrioarra Toki Administrazioarekiko Harremanetarako eta Administrazio Erregistroetako zuzendaria izan da 2020tik eta orain EAEko berdintasun institutuaren gidaritza hartuko du.
Irabien ia hamar urtez izan zen Amurrioko alkate Eusko Jaurlaritzan ardurak hartu baino lehen eta Jaurlaritzak plazaratutako oharrean azpimarratu du EUDELeko Batzorde Betearazleko kidea izan zela, Basqueskolan parte hartu duela -EUDELek eta Emakundek bultzatutako emakume hautetsien ahalduntzerako eskola-, eta Basqueskolari lotuta jarraitzen duela Bidelagun tokiko hautetsiei laguntzeko programaren bidez.
Amurrioarrak Zuriñe Elordiren tokia hartuko du. Elordi iazko urrian izendatu zuten postu horretarako, Izaskun Landaida kendu ondoren.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
