Amurrioko gazteek doako autobusa hartu ahal izango dute Delikako jaietara joateko

Jone Gartzia Gerra 2023ko ekainaren 20a

Autobus zerbitzuaren plazak mugatuak dira eta ekainaren 19an ireki zuten izena emateko epea. / Delikako Jai Batzordea

Ekainaren 30etik uztailaren 2ra luzatuko dira Delikako jaiak eta larunbatean gaueko autobus zerbitzua izango dute Amurrioko gazteek. 16 eta 30 urte bitartekoek eskuratu ahal izango dituzte tiketak Amurrioko Kultur Etxean.

Datorren ostiralean, ekainaren 30ean, jaurtiko dute delikarrek txupinazoa. Festa giroa igande gauera arte luzatuko dute sukaldaritza lehiaketekin, musika emanaldiekin, kirol erakustaldiekin eta adin guztietarako jolasekin.

Amurrioar guztiek jaiez gozatzeko aukera izan dezaten, Udalak gaueko autobus zerbitzua jarriko du larunbat gauean. Autobusak Telefonikatik abiatuko dira 23:00etatik aurrera, eta Delikatik itzultzeko 6:30etik aurrera egongo da aukera. 16 eta 30 urte bitarteko gazteek Amurrioko Kultur Etxean eskuratu ditzakete tiketan dohainik, baina adinez txikikoek guraso edo tutore baten baimena eraman beharko dute sinatuta. Plazak mugatuak dira eta ekainaren 19an ireki zuten izena emateko epea.

Kultura Amurrio Delika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide