AZKEN ORDUKOA

Gizonezko bat atxilotu dute Amurrion bere aita labanaz erasotzeagatik

Aimar Gutierrez Bidarte 2023ko ekainaren 26a
Deskargatu Info Ahotsak :

Armurulanda Plazako etxebizitza batean gertatu da erasoa. / Aiaraldea.eus

Ertzaintzak gizonezko bat atxilotu du gaur eguerdian Amurrion, etxebizitza batean sortutako liskar batean bere aita arma zuri batekin erasotzeagatik. Polizia gertatutakoa ikertzen ari da.

34 urteko gizonezko bat atxilotu du Ertzaintzak Amurrion gaur eguerdian, arma zuri batekin bere aita erasotzeagatik.

13:15ean gertatu da erasoa. Ertzaintzak azaldu duenez, liskarra piztu da bi gizonezkoen artean Juan Urrutia Plazaren aurrean dagoen Armurulanda Plazako etxebizitza batean, eta batek besteari eraso egin dio labana batekin.

Udaltzaingoaren eta Ertzaintzaren dispositibo zabal bat bertaratu da etxebizitzara, eta erasoa egin duen gizonezkoa atxilotu dute. Larrialdi zerbitzuek ospitalera eraman dute zauritutako bizilaguna, egoera larrian.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide