Juan Urrutia enparantzan elkartu ziren atzo arratsaldean Amurrioko auzokideak iragan larunbatean Iruñean jazotako erailketa matxista deitoratzeko.
Gizonezko batek bere bikotekidea hil zuen labankadaz Nafarroako hiriburuko Ermitagaña auzoan. Urtea hasi zenetik Euskal Herrian gertatzen den laugarren erailketa matxista da honakoa, eta azken 20 urteetan 121 izan dira gizonezkoen eskuetan bizia galdu duten emakumeak.
Euskal Herriko Emakumeen Mundu Martxak zabaldutako irakurketarekin bat egin zuten atzo arratsaldean Amurrion herritarrek eta egiturazko arazotzat jo zuten Euskal Herria kolpatu duen azken erailketa matxista: "feministok argi dugu arazoa egiturazkoa dela, sistema heteropatriarkalaren ondorioa, eta ez dela etengo gizartea egituratzen duen matxismoa erauzi arte".
Amurrion ez ezik, Aiaran ere elkarretaratzea egin zuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
