Horrela jakinarazi du Txerra Molinuevo alkateak hedabidetan.
Sare sozialen bidez zabaldu den irudi batek jakin-mina sortu du Amurrion. Izan ere, Mendiko Eskolatik gertu egiten ari diren babes ofizialeko etxebizitzen obretan akueduktu baten aztarnak agertu dira.
Bere kontserbazio egoera egokia bolo-bolo zabaldu da Whatsapp mezu zerbitzuaren laguntzaz eta horrek Txerra Molinuevo alkatea eraman du hedabidetan azalpenak ematera.
Tokiko erakundeko arduradun politiko nagusiak argitu du akueduktua XX. mendekoa dela eta Juan Urrutia enpresariak eraiki zuela bere semearen lursailera ura eramateko. Juan Urrutia 1866an jaio eta 1925ean zendu zen eta bere semea, aldiz, 1898an jaio zen. Hori dela eta, azpiegitura XX. mendean kokatu dute.
Udalak berak txostena osatuko du akueduktuari buruz, baina litekeena da etxebizitzak eraikitzeko estaltzea.
Hau ez da izan lanek utzitako ezuste bakarra, duela hilabete gutxi sute ikusgarria piztu baitzen:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
