Dantza Lagunak belaunaldi guztientzako bazkaria antolatuko du Amurrioko Jaietako lehen egunean

Jone Gartzia Gerra 2023ko uztailaren 17a
Deskargatu Info Ahotsak :

Dantza Lagunak kuadrillaren 51. urteurrenean eginiko argazkia. / Aiaraldea.eus

Urtero bezala, Dantza Lagunak kuadrillak belaunaldi guztiak elkartzeko bazkaria antolatuko du txupinazo egunean. Abuztuaren 12an izango da, 15:00etan San Anton plazan. Egitaraua eta izena emateko moduak azaldu dituzte.

Dantza Lagunak Amurrioko jai kuadrillak urtero antolatzen du belaunaldi guztientzako bazkaria herriko jaietako lehen egunean. Aurtengoa ez da salbuespena izango eta dagoeneko argitara eman dituzte bazkalondoko egitaraua eta izena emateko bideak.

Abuztuaren 12an jarri dute hitzordua, 15:00etan, txupinazoa baino ordu batzuk lehenago. Festazaleak San Anton plazan elkartuko dira, ez soilik sabela ondo betetzeko, baita jai giroa pizten hasteko ere. Antolatzaileek jakinarazi dutenaren arabera, menuak kopa izango du eta bazkalondoan jolasak eta dantza prestatu dituzte.

Izena eman nahi dutenek 19 euro ordaindu beharko dituzte abuztuaren 4a baino lehen 3035 0089 18 0890049147 kontu korrontean (Laboral Kutxa), euren izen-abizenak adierazita. Alergiarik edota intolerantziarik izanez gero, posta elektroniko bidez abisua emateko eskatu dute, helbide honetara: dantza_lagunak@hotmail.com.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide