Gaztetan txirrindulari gisa egin zuen ibilbide oparoagatik da ezaguna Izaskun Bengoa. Amurrioarrak sei aldiz irabazi zuen Espainiako Txapelketa, Munduko Txapelketetan aritu zen eta baita Atlantako Olinpiar Jokoetan ere (1996). Baliabide faltagatik utzi zuen, gazte-gaztea zela, baina sekula ez zituen txirrindularitza eta kirola albo batera utzi.
Azkenaldian ibilketa nordikoan ari da eta kirol horretan ere emaitza bikainak pilatu ditu. Berriki, Varsovian (Polonia) egon da Europako Txapelketan lehiatzen. 10 kilometroko ibilbidea osatu zuen eta bigarren helmugaratu zen 40 urtetik gorakoen kategorian. Sailkapen orokorrean podiumera igotzetik oso gertu geratu zen, txapelketako laugarren azkarrena izan baitzen amurrioarra.
Horrez gain, 4x5 kilometroko errelebo mistoetan ere hartu zuen parte Marathon Crevillent taldeko beste hiru kiderekin batera. Taldeak txapelketako bosgarren markarik onena egin zuen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
