PARTE-HARTZE DATUAK

Aiaraldeko biztanleen %38ak bozkatu du honezkero Espainiako hauteskunde orokorretan

Aimar Gutierrez Bidarte 2023ko uztailaren 23a

9:00etan zabaldu dituzte Espainiako Hauteskunde orokorretako hautetsontziak. / Aiaraldea.eus

Hauteskunde Batzordeak 14:00etan eskainitako datuen arabera, %3 egin du behera parte hartzeak Aiaraldean, 2019ko Espainiako hauteskunde orokorrekin alderatuta. Orain arte 12.800 aiaraldearrek eman dute botoa.

Hauteskunde Batzordeak publiko egin ditu 14:00ak arteko parte hartze datuak. Aiaraldeko udalerri gehienetan egin du behera parte hartzeak: bataz bestez 3 puntuko jaitsiera egon da 2019ko azaroaren 10eko hauteskunde orokorrekin alderatuta. Euskal Autonomia Erkidegoan joera berdina izan du eguerdira arteko parte hartzeak, %3.02 egin du behera azken hauteskundeekin alderatuta. Nafarroan, aldiz, kontrako joera egon da, eta parte hartzeak %1,89 egin du gora.

Aiaraldean Artziniegan bakarrik egin du gora parte hartzeak, %0,6. Kontrara, Arakaldon egin du behera gehien, % 7,37ko beherakada. Orotara, 12.800 herritarrek baliatu dute botoa emateko eskubidea Aiaraldean honezkero.

Hemen kontsultatu daitezke datuak herriz herri:

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide