Bi aste baino ez dira falta Amurrioko Jaien hasierarako, eta hori geroz eta nabariagoa da herrian. Kuadrillek motorrak berotzeari ekin diote dagoeneko, eta egingo dituzten jarduerak iragartzeari ekin diote.
Euskotarrak kuadrillak aurreko urteetako dinamikari eutsiko dio. Egun osoko egitaraua prestatu du jaien lehen egunerako. 11:00etan abiatuko dute poteo musikatua Frontoi tabernatik, 13:30ean kuadrillen aurkezpenera bertaratuko dira, tabernaz taberna jarraitzeko gero. 14:45ean egingo dute kuadrillako belaunaldien arteko bazkaria, Mendiko Eskolan. 16:00etan DJ 2minoren emanaldia izango dute, eta txupinazoaren ostean zurrakapotea eta elektrotxarangaz gozatuko dute. 21:30ean, aldiz, Txoripan erraldoia afalduko dute San Antonen (horren prezioa bazkariaren barruan sartuko da).
Astelehena azken eguna izena emateko
Bazkariaren prezioa 17 eurokoa izango da 16 urtetik beherakoentzat eta 22 eurokoa 16 urtetik gorakoentzat. Bertan parte hartzeko uztailaren 31a baino lehen eman behar da izena.
Inskripzioa eta ordainketa egiteko xehetasunak zabaldu dituzte sare sozialen bidez:
Armarri eta zapiak salgai
Horrez gain, kuadrillako armarri eta zapiak ere egin ditutze. Armarri plastifikatuak 3 euro balioko ditu; bordatutakoak, aldiz, 9 euro. Zapi txikiek (50x50) 9 euro balioko dute eta handiek (60x60) 13 euro. Kuadrillako sare sozialen bidez egin daiteke erreserba, eta baita euskotarrakoadrila@gmail.com emailera edo 671 804 349 WhatsApp zenbakira mezua bidalita ere.