Mugikortasun Jasangarriaren eta Bide Azpiegituren Sailak 602.580 euro bideratuko ditu Arabako errepideetan segurtasuna hobetu eta abiadura murrizteko seinaleak jartzeko.
Arabako Foru Aldundiak abiadura murrizteko elementuak ezarriko ditu Arabako zenbait herri eta errepideetan, Api Movilidad SA enpresari esleitutako kontratuaren bidez. Orotara 602.580 euro bideratuko Foru Gobernuak hainbat errepide tarteetan seinale horizontal eta bertikalak jartzeko, ibilgailuen abiadura moteltzeko helburuarekin.
Aiaraldean Baranbion egingo dute esku hartzea, ibilgailuek herri barruan duten abiadura murrizteko asmoz. Lanak 2024ko urte amaieran amaitzea aurreikusi dute.
Mobilizazioak Baranbion
Hain zuzen ere, Baranbioko bizilagunek hainbat mobilizazio egin zituzten 2020an eta 2021ean herria zeharkatzen duen errepidearen segurtasuna bermatzea exijitzeko erakunde publikoei. Bi aldarrikapen nagusi atera zituzten kalera: kamioien trafikoa autopistatik desbideratzea eta herritarren segurtasuna bermatuko lukeen espaloia eraikitzea.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
