Amurrioko euskaldunak identifikatu eta saretzeko egitasmoa jarri du abian Udalak

Aimar Gutierrez Bidarte 2023ko urriaren 5a

Euskaldunak identifikatu eta saretzea da dinamikaren helburua. / Aiaraldea.eus

Amurrioko euskaldunak identifikatu eta elkarren arteko komunikazioa erraztea du helburu gaur aurkeztu duten "Eman aurpegia euskararen alde!" ekimena. Mosaiko erraldoia osatuko dute, eta azaroaren 17ra arte egongo da argazkiak bidaltzeko aukera.

"Eman aurpegia euskararen alde!" kanpaina aurkeztu dute gaur eguerdian Amurrioko udaletxean. Udalerriko euskaldunak identifikatu eta elkarren arteko komunikazioa erraztea du helburu egitasmoak. Herriaren euskalduntze-prozesuan eragin nahi dute tokiko erakundetik. Izan ere, amurrioarren %50a euskalduna bada ere, hizkuntzaren erabilera %5ekoa da.

Amurrioko euskaldun komunitateari luzatu diote Euskararen Eguna ospatzeko baliatuko den mosaiko erraldoi baterako argazkiak bidaltzeko gonbita. Gerora etxe guztietako postontzietan banatuko dute mosaikoa.

Adinez nagusi diren herritarrek azaroaren 17ra arte izango dute argazkia bidaltzeko epea. Irudi-baimena funtsezkoa izango da, eta horretarako Amurrio.eus atarian egongo da galdetegia eskuragarri, bihartik aurrera.

Posta elektronikoz edota Whatsapp bidez ere jasoko dituzte irudi eta baimenak; irabazieuskararekin@gmail.com helbidean eta 662 303 756 telefonoan, hurrenez hurren.

Euskara Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide