Amurrio Clubeko eta Athletic Clubeko beteranoak izan ziren atzo Basarten nor baino nor. Partidaren helburua zen tokiko taldearen 75. urteurrena ospatzea, baina ez da ahaztu behar Ibaiganekoa ere 125. urteurrenean buru-belarri sartuta dagoela hamaika ekintzarekin.
Gauzak horrela, giro bikainean jokatu zuten eta publikoak nabarmen gozatu zuen jokalariek eskainitako ikuskizunarekin.
Berez, 35 minutuko bi zatitan banatu zuten norgehiagoka eta Amurriok hiru gol sartu zituen; Aimar Basualdo, Saratxo eta Jon Llanoren eskutik. Athleticken gola, ordea, Aguirregomezkortak sartu zuen penaltiz.
Amurrioko entrenatzaileak Kike Hidalgo eta Jose Miguel Álvaro izan ziren eta Athletic Clubekoa Rafa Dehesa.
Futbolariei dagokienez, honakoak atera ziren zelaira Amurrio Clubeko kamiseta jantzita: Laurentz, Bittor Saez, Jon Guinea, Mimenza, Castro, Aimar Paredes, Carlos H., Manrique, Crespo Eneko B., Yuste, Luis Mari, Ioritz Hernandez, Saratxo, Jon Llano, KuKo, Berni, Txingu, David Ruperez, Rebollo eta Alex.
Athletic Clubarekin, ordea, honako hauek aritu ziren: Axier Abad, Carlos Castilla, Luis Fernando, Eleder, Acedo, Goio Soria, Anton Arteaga, Javi Casas, Koikili, Javi González, Mikel Amezaga, Anton Olondo, Ibon Gutierrez, Raul Guerrero, Oskar Alkorta, Gorka Soria, Iker Madariaga, Aitor Ramos, Joseba Aguirre, Mikel Agirregomezkorta eta Jonan Izarra.
Argazkiak: Chris Gomez