Antzerki Amateur erakustaldiaren XII. edizioa, abian

Txabi Alvarado Bañares 2023ko urriaren 26a

'¡Ese no!' lana ikusteko aukera egongo da larunbat honetan. / Banarte antzekri taldea

Iragan larunbatean taularatu zuten lehen lana, eta honetan ikusi ahalko da bigarrena, ¡Ese no! izenekoa.

Urtero bezala, Antzerki Amateur Erakustaldiaz gozatzeko aukera egongo da Amurrio Antzokian, Aimara antzerki taldearen eskutik. Iragan larunbatean abiatu zuten zikloa, Getxoko Itxartu taldearen Las Brujas de Salem lanarekin.

Larunbat honetan, aldiz, ¡Ese no! lana taularatuko du Banarte taldeak. Abadiñoko konpainia amateurrak giza harremanei buruzko komedia plazaratuko du, "pertsona orori noizbait gertatu ahal izan zaizkion egoerak" planteatzeko.

Azaroaren 4an amaituko da erakustaldia, Athenea Teatroren La gata sobre el tejado de zinc lanarekin. Tennese Williansen obra klasikoa moldatuko du Valladolideko taldeak, klase altuko familia baten gorabeherak antzezteko.

Bi emanaldiak arratsaldeko zortzietan izango dira eta sarrerek 5 euro balioko dute, eta hemen erosi daitezke.

Aimara antzerki taldeko kideek herritar orori luzatu diete antzokira gerturatu eta "lagun zoragarri hauekin" gozatzeko gonbita.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide