Mirari Gotxi da Euskadiko Txirrindularitza Federazioko ziklokros Challengearen liderra

Aitor Aspuru Saez 2023ko azaroaren 10a

Elorrion gailendu zen Mirari Gotxi. / Aiala Txirrindularitza Elkartea

Aiala Txirrindularitza Elkarteko kirolariak urriaren amaieran eskuratu zuen sailkapeneko lehen postua eta lidergoari eutsi dio orduz geroztik.

Mirari Gotxi gazte amurrioarra Aiala Txirrindularitza Elkartera itzuli da denboraldi honetan eta modu bikainean lehiatzen ari da, sailkapeneko burua baita Euskadiko Txirrindularitza Federazioaren ziklokros Challengearen kadete kategorian.

Horretarako Tolosako III. Pablo Arsuaga Memorialean gailendu da, Elorrion eta Iruñan. Lasterketa horietan ez ezik, Karrantzan lehiatutako proban ere -Espainiako Koparako puntuagarria dena- bigarren izan zen asteburuan. Marinen, Galizian, hirugarren postua ere lortu zuen aiaraldearrak.

Liderraren maillota berea bada ere, Gotxik beste zortzi lasterketetan parte hartu beharko du txapelduna izateko. Hurrengo hitzordua Zornotzan izango da igandean. Geratzen diren lasterketen artean abenduaren 23an Ibaguenen lehiatuko dena ere badago.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide