Eguraldia lagun, atletismo goiz oparoaz gozatzeko aukera egon da gaur Aiaraldean. Amurrioko Krosaren V. edizioa ospatu da Refor kirolgunean. Ehunka kirolari aritu dira lehian lasterketetan, eta beste horrenbeste lagun egon dira ibilbidean zehar barreiatuta, parte hartzaileei animoak ematen.
Sona handiko korrikalariak aritu dira lehian, Dani Mateo edota Maurine Jemutai, besteak beste. Biek irabazi zuten kategoria absolutuetan, baina maila orotako korrikalariek izan dute tokia krosean, adin eta kategoria asko aritu baitira lehian, haurretatik Masterretara. Lasterketa herrikoiarekin eman diote amaiera goizari, eskualdeko dozenaka korrikalariren parte hartzearekin.
Antolatzaileek iragarri dute Oinkariak atletismo klubaren webgunera igoko dituztela eguneko argazki, bideo eta sailkapen guztiak.
Oinkariak berak adierazi du oso balorazio positiboa egin dutela eta pozik daudela krosaren emaitzekin.
Argazkiak: Txabi Alvarado eta Javi Saez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide