Olentzerok egitarau zabala izango du Amurrion eta lehenengo bi hitzorduak asteburu honetan izango dira: San Roken larunbatean eta Goikomendin igandean. Bi ekintzetarako azken tiketak eskura daude Turismo Bulegoan, larunbat goizera arte.
Hasteko, larunbatean San Roken egongo da OIentzero 10:30etik aurrera. Ordu erdiro txandak egingo ditu bisitariekin eta tiketa doakoa da.
Bestetik, igandean 10:30ean eta 11:15ean aterako da autobusa Goikomendira,14:00etan eta 14:45ean itzultzeko herrigunera. Kasu horretan, tiket bakoitzak 2 euro balioko du.
Igandean bertan APDEMAko kideek bere egoitzan izango dute Gabonetako pertsonaia, 17:00etan.
Horrez gain, asteartean ikazkinak Menagaraiko eskolan egongo da, hurrengo egunean Amurrioko ikastetxeetan eta arratsaldean Orozkoko Ibarrako eskolan. Hurrengo bi egunetan ere udalerriko hezkuntza zentroetan arituko da.
Abenduaren 23an eskutitzak jasoko dituzte Aurkitu gabeko altxorra antzezlanaren ondoren, frontoian, arratsaldean.
Abenduaren 24an 16:00etan abiatuko du kalejira Olentzerok anbulatoriotik eta, azkenik, nagusien egoitza bisitatuko du hurrengo egunean.