Txano lehiaketarekin eta desfilearekin agurtu dute urtea Amaurren

Txabi Alvarado Bañares 2023ko abenduaren 20a
Deskargatu Info Ahotsak :

Amurrioko frontoian egin dute Gabonetako ekitaldia gar arratsaldean, ehundik gora gurasoren aurrean. 

Ekitaldi deigarria egin dute Amaurre Ikastetxeko kideek gaur arratsaldean Amurrioko frontoian. Lehen Hezkuntzako ikasleek desfilea egin dute ehundik gora gurasoren aurrean, eta hainbat kanta abestu eta dantzatu dituzte. 

Desfileaz gain, beste ekimen bat ere burutu dute hezkuntza zentroko kideek, familiekin elkarlanean: Txano lehiaketa. "Familia bakoitzak gabonetako txano edo diadema bat egin du bere seme-alabarentzat", azaldu dute. Txanoak soinean dantzatu dute haurrek gaur frontoian, eta sariak banatu dituzte gero, bana maila bakoitzeko. 

DBH 4. mailako kideak ere bertaratu dira frontoira, eta bertan zozkatu dute ikasbidaia finantzatzeko prestatu duten Gabonetako saskia. 

Hezkuntza Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide